الجزء 20
بداو البنات يقراو وكانو فرحانات بزاف .. درنا برنامج زوين كتجي فيه الاستادة فالصباح وكتمشي بعد ساعتين وعمر ما عاق وليد بينا .. كنخبعو كلشي مللي كيجي .. رجعت لخدمتي العادية .. وكل نهار كنتفادا الهضرة مع وليد .. هو بحال الى جاه غريب سكاتي.. كنت كنلاحظ عليه شوفاته لجيهتي .. كنت كنلمحها من الجنب .. نظرات كلها تساؤل عن تغيري المفاجئ وسعادتي مع البنات .. وليت عزيزة عليهم بزاف من نهار جبت ليهم المعلمة.. على الاقل كسرت ليهم الروتين... وتحد المرة مشيت لبيت ابتسام بقيت نهضر انا واياها تعطلت معاها وانا كنوريها افكار لتصاميم الخياطة مللي كملنا مشيت لبيتي.. جيت ندخل ونسد الباب حتى حسيت بشي حد كيحبس الباب جيت نشوف شكون لقيتو وليد..
- وليد؟ شنو كاين
- نتي اللي شنو كاين .. مالك معايا
- مفهمتش .. شنو درتلك انا ؟
شاف فيا بواحد النظرة داليأس وقال: والو .. مدرتيلي والو .. انا اللي معرفت مالي .. كنتخيل شي حوايج
تلفت باش يمشي وانا نشدو .. وليد .. انا ..
- تصبحي على خير
مشا وخلاني .. حسيت بالفرحة .. ناري كاع داك القصوحية ديالو معايا .. حيت ميكت عليه هاد اليوماين بقات فيه .. هههه .. هادي فرصة باش نستغلو .. يعفو شوية على البنات.. باينة كنأتر فيه.. ودابا تأكدت باللي مكنتش كنحلم داك النهار فسبيطار .. السيد قاتلو قلبو عليا .. ياي
الغد ليه وكما العادة داز النهار عادي مشيت نشري كادو لابتسام للي بقا فعقلي داك النهار حبها للفن.. مللي جيت دخلت لعندها للبيت وانا هازة صندوق كبير قالتلي شنو هادا .. قلتليها فتحيه وتعرفي .. مللي فتحاته غوتات بالجهد .. كمان .. جبتي ليا كمان .. عنقاتني بالجهد بزاف.. فرحان وطاحو ليها الدموع انا حققت ليها حلم كان بعيد عليها بزاااف ... بدات كتعلم فيه واخا كان معارفة والو ولكن درت معاها الخاطر وبديت نعلمها على الاقل الاساسيات فيه وكلشي كايجي بشوية..
جات عندي خديجة ..
- ختي هدى لاباس عليك
- الحمد لله نتي لاباس .. كتقراي شوية
- اه كنقرا لهلا يخطيك علينا يا الحبيبة ديالي .. الى حتاجيتي شي حاجة انا موجودة واخا؟
- واخا!!
مشات وخلاتني مستغربة .. ماشي هادي اللي النهار الاول قالتلي شكون نتي باش تدخلي فينا.. دابا وليت حبيبتها .. سبحان المبدل الاحوال.. يمكن حيت قريتهم عليها عرفات باللي انا ماشي عدوة ليها.. يمكن ..
0 Commentaires