الجزء11
بالليل وجدت راسي لبست كسوة قصيرة كحلة وجمعت شعري ودرت ميك اب خفيف ومشيت بسرعة بطوموبيلتي للمكان المعهود قبل مايجي هو ومللي سمعت طوموبيلتو خرجت كأني ساكنة تما ...مزل هو بسرعة من الطوموبيل مللي شافني بقا حال فمو ..تنهد وقالي
-اجمل وحدة شافتها عيني فالدنيا هي نتي
خدا يدي وباسها وحل ليا باب طوموبيلتو وركبت ..كانت باينة على محياه السعادة لاحقاش انا معاه ..تمشينا بالطوموبيل مشينا لواحد ريسطو كلاس بزاف ..كانت الاضواء فيه خافتة والشموع هي اللي طاغية على المكان والموسيقى هادئة شديت فدراعو وتمشيت معاه جلسنا فواحد البلاصة مميزة اللي عبارة عن فوتوي ..جلسنا وطلبنا العشا وهو محيدش عينو مني وانا ارتبكت ..بقا كيهضر كما العادة وكيحاول يجبد مني الهضرة ..تعشينا وكان مرة مرة كيحاول يدير حركة رومانسية ويوكلني وانا اضطريت نسايرو ..كان فرحان بزاف ..مللي كملنا بقا كيهضرلي على حياتو وباللي هو فالعادة مكيتيقش فالبنات ومكيفتحش قلبو بسهولة لأي وحدة ..وباللي عمرو مجرب هاد الاحساس اللي كيحسو مللي كيكون معايا ..اشعار وكلام رومانسي انا رتاحيت لانو كيفكر من جيهتي بهاد الطريقة هادا دليل على انه غيتيق فيا وغيسلم ليا رقبته ..قالي باللي اول مرة غيقول لشي وحدة كنبغيك ..كنبغيك اميساء..ونتي كتحسي بشي حاجة من جيهتي..!!
فيقاتني هاد الجملة الاخيرة اا..ما..
-بلا ماتقولي والو ..عارفك مكتبغينيش كما بغيتك انا يمكن..ولكن ايلا بغيتي تعطيني فرصة تيقي بيا مغتندميش وكنواعدك غادي نجعلك تبغيني ...وغنحاول نسيك فالماضي الاليم ديالك ..انا هنا تصدمت وقلتله بسرعة اينا ماضي😳
-عينيك كيقولو باللي نتي كتعاني من الماضي ..عامرين بالحزن ..ماباغيش نعرف هاد الماضي شنو ومغنسولكش ايلا مبغيتيش نتي تقوليلي بخاطرك ..انا مغنبزز عليك حتى حاجة ..طول ما انا عايش غنجعلك اسعد وحدة فهاد الدنيا ...شنو قلتي واش تقدري تعطيني شي امل ..واعديني باللي غتفكري فهادشي ...واعديني
-كنواعدك..غنحاول
ابتسم تعبيرا عن السعادة وقرب مني انا غمضت عيني ونزل لعنقي وباسني بحنان انا ديك الساعة استسلمت وخليتو ..بعدها شدني من الخصر ديال وتوجه لفمي وباسني ..فالهدوء والرقة ديالو فالتعامل معايا هي اللي جعلاتني نستسلم ليه وكأني جالسة مع راجلي ..راجلي لا هادا ماشي راجلي ..اش هادشي كندير بعدته بسرعة علي وجريت خرجت بسرعة وبقيت كنجري وكنبكي عماااااد اهئ اهئ عمااااد سمحلي عفاك سمحلي خنتك ماشي لخاطري اهئ اهئ..بقيت كنبكي حتى لقيت هشام مورايا
-ميساء ..مالكي واش قلقتك ..سمحيلي عفاك سمحيلي منبقاش نعاود منبقاش نقرب ليك بلا خاطرك عفاك شدني وكانت نظرات خوفو علي باينة فوجهه ..وانا وجهي عامر بالدموع بقا كيمسح دموعي ..وكيرغب فيا ...مللي هديت ركبني فطوموبيل وكسيرا دغيا وشدلي فيدي كأنو كبهدن فيا وحيدتها منو ..مشا داني حدا البحر وخرجت شميت الهوا ديال البحر باش نرتاح حسيت شوية بالراحة ..شفت فهشام لقيت وجهه مليء بالخوف وكيتفقدني ..قلتله سمحلي خسرت عليك السهرة ..شدلي فيديا بجوج وقالي انك تكوني فرحانة ومرتاحة هاديك هي الدنيا ومافيها بالنسبة ليا ..قلته بغيت نمشي نرتاح ..
-نوصلك ؟ واخا
-لا مبغيتش نمشي لداري ..نخاف بوحدي ..خليني نبات فدارك اليوما
_باستغراب:داري!! اه علاش لا تنوري ..على الاقل كيدل هادشي على انه بديتي ترتاحي شوية معايا
0 Commentaires