الجزء 10
غانقتلو.. غانقتلوا.. غانقتلك امصطفى.. غانقتلو..
- السلام حياتي.. او مالكي.. اش هاد الحالة دايرة فراسك اش واقع
- نتا احقر انسان شفتو على وجه الارض.. انا غانقتلك..
نضت بسرعة مشيت للكوزينة جبدت واحد الموس ماض وخرجت عندو .. انا غانقتلك ..
- واش حماقيتي ..
شدني وزير عليا .. القوة ديالو كانت كتر من ديالي.. حيدلي الموس وشدني وزير عليا وانا شاعلة فيا العافية مكرهتش نقتلو ديك الساعة...
-شوفي فيا .. مالك .. شنو واقعليك اليوما..
- نتا كلب.. ومتستاهلش تكون بنادم .. وماتستاهلش تكون اب.. عاد عرفت منين جاوك الفلوس.. بعتي القلب ديال ولدي الحمااار.. تفو عليك.. انا غانقتلك.. غانقتلك..
- كدوب شكون قالك هادشي..كنقسم بيك
- سكووووت متحلفش... سكوت.. الكداب اعدو الله.. داك السيد اللي تبرعتي ليه جا وعاودلي كلشي.. انا غاندمك.. غادي نخليك تتمنى الموا ومتلقاهش .. انا غانعلم بيك البوليس ..
طلق مني وانا مشيت جيهة الباب..
- حتى واحد مغايتيقك.. حيت الوراق فيهم موافقتك.. والقانون لا يحمي المغفلين..
- كلب.. انا موافقت على والو.. نتا اللي زورتي...
- ها وجهي الا تيقك شي حد..
- طلقني.. انا مغانبقا معاك حتى دقيقة.. انا اللي عطيتك قيمة كتر من داكشي اللي تستاهل..
- كتحلمي.. الطلاق هو اللي عمرك تحلمي به..
- مامتيقاش راسي اني كنت عايشة مع واحد بحال واني بغيتك نتا.. نتا حيوان..
ضربتو لوجهه بطرشة قوية .. وهو يجهل بعدها جرني من شعري للبيت وبدا يعاير ...
- انا غانوريك هاد الحيوان اش غايدير.. من ليوما مابقيتيش تشوفي الشمش.. ولا اي بنادم على وجع الارض..
لاحني فالبيت وسد عليا الباب.. وانا بقيت كنبكي على حالتي.. اش هاد الزهر عندي.. خاصني نخرج من هنا .. خدا التلفون وسد عليا كلشي.. حتى من الشرجم .. مامفتوحش للزنقة.. غانحماق .. الله ياخد فيك الحق.. وبقا دير السمية للقصة واالزعتر.. واش القصة اللي نكتبها تتسرق اووف.. تأليف دودي الللي مرضتوها بالسرقة.. المهم نرجعو للقصة باش منتلفوش.. المهم هي هاديك بقيت فداك البيت وهو مطرقو عليا.. ماسمعتش ليه الحس.. حتى انا مدرت حتى حس.. مللي وصل الليل .. تفتح الباب.. دخل منو شفت فيه كانو عينيه منفوخين وحمر.. باينة فيه كان كيبكي.. واخا يبكي الدم قدامي ماغانسمحش ليه.. حيت باع القلب ديال ولدو اللي من دمو ولحمو.. واش كيقدر ينعس وهو مهني بهاد الفعلة اللي دار..
- منى.. http://dodielaissati.blogspot.com/
- سكت مبغيتش نسمع حسك..
- نتي اللي ضطريتيني لهادشي.. واش صحابليك انا مرتاح.. حتى انا كنتعدب كل دقيقة... حتى انا مبقيتش قادر ننعس .. كل حاجة كنديرها بدوك الفلوس كنشوف فيها ولدي.. كيزورني حتى فالمنام.. وليت مريض .. مقادرش نعيش .. تيقي بيا مكنتش باغي نوصل لهادشي.. ولكن.. مللي مات الولد.. جا عندي واحد الرجل ومدير المستشفى.. قالي انا نعطيك اللي بغيتي وتبرع لينا بالقلب ديال الولد.. انا مبغيتش قلتلوم مرتي حتى هي متبغيش .. غواوني وقالولي ماشي ضروري تعرفي.. وباللي الاجراءات ساهلة وبدا كيترجاني .. قالي ولدك نتا الله يرحمه .. انا ولدي مازال عندو امل .. اضطريت نوافق بعدما شفت الحالة ديال داك الشاب.. كان كومة ومكيتحركش.. وامه كتبكي عليه وحالتها تشفي العدو.. وافقت ودارو الاجراءات.. وخلصولي مصاريف المصحة.. وعطاني المبلغ اللي شفتيه.. ترددت بزاف قبل مناخد منه.. ولكن من بعد زعمت.. حيت فرصة للعيش.. مبقيتش قادر نعيش فالفقر مازال ورزق فيدي علاش نضيعو.. انا من صغري وانا فقير.. حتى واحد مكان دايرلي قيمة .. كلشي كايتبوزا عليا بفلوسو.. انا عمري شريت داكشي اللي بغيت وعمري كليت داكشي اللي بغيت.. وعمري ماحسيت راسي بنادم عندو قيمة.. حتى فالقرايا كانو يدوزو اللي لاباس عليهم قبل مني واخا كنت ذكي كتر منهم.. والخدمة كذلك.. راني خدام عند اللي والديهم كلاس.. واخا اغبياء ومكيفكروش.. علاش هاد الظلم .. اللي عاش حياة بحال حياتي باينة غادي يتعقد.. حتى فزواجي بيك... ديما حاس بالفرق بيني وبينك.. السبب باين..
0 Commentaires