الجزء 55
بست يد الواليد وفرحت بزاف حيت عائلتي مهتمة بيا ..
- بابا انا غانعاونكم .. وغانشري ليكم دار باش تكونو قراب ليا ..
- عمر مكان الفقر مشكل ليا .. انا فرحان بزاف فهاد البلاصة .. ودابا غانقدر نرتاح ونموت وانا مرتاح .. حيت طمئنيت عليك .. وغانخبر ماماك باللي رجعتي وراك لاباس ..
- الله يطول فعمرك ابابا .. انا مبغيتش نخسركم بعدما لقيتكم .. فين هو خويا انا باغا نشوفو ..
- خوك خدام ففاس فالمدينة .. هو بوليسي ..
- 😱😱😱😱😱
- اكيد غايفرح مللي غايرجع ويشوفك .. كيجي عندي كل اسبوع يشوفني هو ومرتو وولادو .. شحال وهو يقلب عليك .. وكان كيقول انه كيحس بيك بحكم انكم توام ..
- حم حتى انا باغي نشوفو ..
- ونتا اولدي .. واش تزوجتي ولدي وفاش خدام ..
- 😞ً كنت مزوج
- وفين هي مرتك ..
- مشات 😔
- تفارقتو !! ولا عليك اولدي .. انشاء الله غادي تلقا اللي حسن منها ..
- منظنش .. ميهمش دابا هادشي .. المهم هو اني لقيتكم ..
- الله يحفظك ليا اولدي ..
بقيت مع بابا مشيت معاه للدار اللي كانت بسيطة .. هو متعلق بزاف بأرضو وبلادو .. حتى انا حسيت بالانتماء .. ورالي تصاور ماما اللي جاني البكا مللي شفتها .. واتافق معايا غدا نمشيو نشوفو قبرها..اول مرة كننعس مرتاح بعد ما تفارقت مع ياقوت .. واش ممكن نكون بخير ومرتاح من هنا الفوق .. واش فعلا ممكن نعيش بلا ياقوت ونبني حياة بحال خويا ..
عند ياقوت
وصلت للمغرب وتنفست .. شميت هوا بلادي رجعات فيا الروح .. مكرهتش نولد ولدي هنا ..
مازن : شايفك وليتي مزيانة دابا ..
ياقوت : معلوم .. الطير مهما هاجر الا انه كيرجع لموطنه فالاخير ..
تسارينا انا ومازن وانا محملتش نمشيو فين كاين باه .. واخا هو صحابليه راني مزوج بولده حقيقة .. مكرهتش نقتلو حيت شارك مع سميرة فداكشي اللي وقعلي .. فالفترة اللي كنت فيها هنا حاولت نتواصل مع لمياء اللي فعلا لقيتها .. وجات عندي
لمياء : صاحبتي توحشتك ..
ياقوت : حتى انا .. كنت خايفة لا منعاودش نشوفك مرة اخرى .،
لمياء : كنت على وشك لولا ان ليث عتقني .. ماماك حاولت تقتلني
ياقوت : متقوليش ماماك جاتها الغمة .. هي سبابي فعدابي .. فارقاتني على حبي ..
لمياء : فعلا .. هي السبب ،.
ياقوت : قوليلي فين هو ليث .. وكيدايرا حالتو
لمياء : الصراحة نتي جرحتيه حيت تزوجتي بداك الراجل .، وحملتي منو .. حاولت نقنعو باللي نتي كتبغيه ولكن مقتنعش ..
ياقوت : 😭 سميرة هدداتني بانها غاتقتلو .. انا خايفة عليه .. انا كنبغيه هو ومكاين حتى راجل فحياتي من غيرو .،
لمياء: انا متأكدة من هادشي .. المهم انا عندي ليك خبار زوينة ..
ياقوت : قولي ..
لمياء : انا وسنان قريب نتزوجو .. سنان الدراع ليمن دليث..
ياقوت : فرحتلك احبيبة .. يا ربي تتجمعي نتي وياه .. ومتفارقوش بحالنا ..
لمياء : امين احبيبة ..
ياقوت : حتى انا عندي ليك خبار غايفرحك ..
لمياء : قولي اصاحبتي ..
ياقوت : الولد اللي فكرشي .. ماشي ولد مازن .. وانما ولد ليث ..
لمياء : شنوو .. يعني نتي حاملة من ليث وهو معارفش بهادشي
ياقوت : شووووت .. مبغيت حتى واحد يعرف .. حتى ليث ..
لمياء : ولكن ليث ايلا عرف هادشي غايتيقك
ياقوت : انا مبغيتوش يتيقني بهاد الطريقة .. بغيت بحال شحال هادي يتيقني غا من النظرة ديالي ويحس بيا ..
لمياء : حالتك صعيبة اختي ..
0 Commentaires