التشرد جعل منا مفيوزيين - الحلقة 51

الجزء 51 
مازن : جوديا واش نتي لاباس .. خاصك تاكلي يوماين ماكليتي والو .. على قبل الولد اللي فكرشك واش نتي مخايفاش عليه 
ياقوت : انا مقادراش .. حاسة راسي غانموت .. 
مازن : انا عارف باللي صعيب عليك هادشي .. ولكن .. حاولي .. قدرك هو هادا .. 
ياقوت : اووف عفاك خليني بوحدي .. مابغيت نسمع والو بغيت نبقى بوحدي .. 
مازن : على خاطرك ولكن خاصك تعرفي انك لابد تاكلي .. باش متفقديش ولدك كنا فقدتي باباه 
غا قال داك الجملة قلبي حسيتو ضرب فجأة وحرقني .. اه هو عندو الحق انا خاصني نحافظ على ولدي باش منخسروش كما خسرت باباه ..ليث كفاش غانقدر نكمل بلا بيك .. كيفاش 
عند ليث : 
ليث : جبتولي داك الكلب .. 
سنان : اهو بوص 
جا فادي جلس حدايا .. 
فادي : مفهمتش علاش مخليتينيش نمشي .. فين هو اتفاقنا من اللول ..
ليث : نخليك تمشي 😏 هاهاها .. ضحكتيني وانا معندي الخاطر للضحك .. نتا هنا غاتبقا .. وغاتموت هنا .. ودابا غاتعاودلي كلشي من a حتى z .. بالتفصيل الممل .. وداكشي اللي دارتو وغاديرو سميرة من بعد 
فادي : ولكن واعدني غادي تخليني نمشي وتعطيني داكشي اللي اتافقنا عليه فاللول 
ليث : واش نتا ضاربك الضو ولا .. شوف راه بالخاطر ولا بزاز غاتهضر في كل الاحوال .. اللهم بالخاطر حسن منعلقك ونعدبك ديك الساعة تدوي بزاز .. وانا شايف باللي نتا معندك صحة باش تتحمل شي عداب ..ونتا راك عارفني ايوا اش قلتي 
فادي : واخا غانعاودلك كلشي .. سميرة كانت فصغرها خدامة فواحد الفيلا .. ديال شي ناس معروفين فالمغرب ولاباس عليهم .. ولكن هي قلبها كان عامر من جيهتهم ... حاولت توصل ليهم واخا خدامة ودارت علاقة مع ولدهم .. وهو كان فداك الوقت خاطب .. مللي عرفت خطيبته وعرفت عائلته جراو عليها من الدار .. بقات فالزنقة .. حتى وصلت خدمت فالمخدرات وشوية بشوية دخلت فمافيا للقتلة المأجورين .. هي اكبر قتالة ومافقلبها رحمة .. من بعد عرفت باللي ولد الناس اللي خدامة معاهم ولد بنيتة .. لقاتها فرصة .. وبغات تنتقم منهم طلبت مني نخطفها لامها .. فعلا خطفتها .. وباش حتى واحد ميشك فيها حطيتها قدام البراكة ديالك .. بعدما هدات القضية قلت ليها على بلاصتك .. وبقات كتراقبك .. الباقي راك عارفو .. 
ليث : دخلاتني الحبس باش تاخد ياقوت .. انا بغيت نعرف كتر عليها .. نعرف جميع الجرائم اللي دارت .. بالادلة .. ولا هنا غانقتلك
فادي: غانقولك كلشي 
تأليف دودي العيساتي وجوهرة مريم 
 جروب قصص بالدارجة للجميلات مع دودي dodi elaissati