الجزء 32
وصلت لبر الامان .. امريكا .. واخليت جوديا فالمغرب .. الصراحة ضرني خاطري عليها ومعرفتش علاش حسيت احساس خايب .. حسيت راسي خايف عليها وندمان ..
- سنان اش درتي
- تبارك الله عليك بوص .. هانا جبتولك .. راه كيستناك وموافق على كلشي ..
- مزيان اجي معايا ..
دخلت على اللي سميتو فادي
فادي : شحال هادي كنسمع بيك ومكرهتش نكون دراعك ليمن ..
سنان : احم احم جلس ..
ليث : طبعا سنان اتافق معاك على كلشي ..
فادي : طبعا .. اللي بغيتيه مني نديرو
ليث : بغيت راس سميرة
فادي : هاد الاوراق فيهم خبثها كله .. من نهار بدات فالمافيا ..
ليث : مزيان .. وبنتها جوديا اش كتعرف عليها ..
فادي : الزويونة جوديا .. غبرات .. هي كل روح سميرة ولكن لوكان تعرف حقيقتها هي اللي غاتقتلها ..
ليث : كيفاش .. اش كتقصد
فادي : باش تعرف هادشي اللي غانقولك خاص تزيد فالسعر .. كلشي بتمنه ..
ليث : غانعطيك اللي بغيتي .. دوي ..
فادي : جوديا ماشي بنت سميرة.. خطفاتها سميرة من والديها وهي مازال صغيرة بزاف .. وحطاتها فالزنقة حتى خداها واحد الشاب رباها حتى كبرات بقات كتراقبها من بعيد دخلات الشاب للحبس ومات تما وخطفات منه جوديا من جديد .. ووهمات الناس انها ماتت طلبات منها اننا ناخدو بنت اخرى نحيدو اعضائها ونلبسوها حوايجها وهكا بانت انها ماتت ..
شافو ليث وسنان فبعضهم ..
ليث : معرفتيش هاد الشاب شنو سميتو
فادي : اكيد .. سميته ليث ..
ناض بسرعة ليث شد ففادي من حوايجو ورفعو
- انا غانقتلكم الكلاب .. انا غانقتلكم ..
سنان : ليث تهدن ...
فادي : ليث ؟؟
ليث : انا غانخرج عليكم كيما خرجتو على حياتي ... سنان انا كنت حاس باللي هي ياقوت .. انا خاصني نعتقها من داك الجبان اللي طيحتها فيدو .. خاصني نعتقها .. ياقوت غاتضبع مني للمرة التانية .. انا غانرجع للمغرب ونتا تكلف بالباقي واياك تخلي هاد الحيوان يخرج من هنا ..
جرا بسرعة ليث وشد اول طيارة للمغرب .. الطريق كانت طويلة .. بقا كيفكر .. دابا عاد عرف علاش كانت كتلبس الاسورة طول الوقت كانت كتخبي الوشم .. ولكن واش مشافتش الوشم اللي فيدي انا .. زعما تكون عرفات اني ليث .. ولكن علاش مهضراتش انا غانتسطا .. ياقوت حياتي قاومي عافاك .. انا غانعتقك ..تأليف دودي العيساتي وجوهرة مريم
0 Commentaires