الجزء 31
احساس زوين بزاف انك تكون مع الشخص اللي كتبغيه .. هادا ليث عمري اللي استسلمت ليه وهو معارفش اني حبه وحياته .. دوزنا وقت زوين بزاف .. كل مرة كنكون غانتفرش بالوشم الا اني كنحاول نخفيه بالاسورة .. اللي كيتساءل علاش كيعجبني نلبسها ديما كنتحجج انها ذكرى زوينة من بابا .. اه بابا اللي عمري شفته ..
عند ليث ..
مكنتش عارف اني غانطيح فهاد البنت حتى لهاد الدرجة .. ولكن لا هي مهمة وغاتنتهي .. مللي تعرف اني باغي غير ننتقم لحبيبة قلبي ياقوت .. هزيت تلفوني وصونيت لسنان اللي كلفتو يشد اللي سميتو فادي .. ويغريه بمبلغ يخليه يعطينا معلومات على سميرة .. وفعلا اتصل بيا وخبرني انه شده واتفق معاه على انه يعطيني معلومات .. طلبت منه يخليه معاه حتى نجي .. صيفط واحد من رجالي لعند الشارف مول الارض واستغليت هدوء جوديا .. اتفق معاه واشتراها منه .. الارض ولات فاسمي الان .. بإمكاني نرجع لامريكا دابا وندير خدمتي .. ونتافق مع شركات العقار تبنيلي مشروعي .. كان الحاجز الوحيد اللي قدامي هو جوديا .. انا بغيت نحرق قلب سميرة عليها .. وانا عارف انها عزيزة عليها حد الجنون .. زواجها مني بوحده مغايكفيش .. لا بد وانها خاص توقعلها شي حاجة باش نرتاح .. لقيتها .. غانصيفط احد الرجال للقمان وغايقوله على مكاني .. وانا غانخلي جوديا هنا فريسة ليه غايخطفها بالتأكيد لانه غايصحابليه باللي غايشدني بيها .. ومنه نكون ضربت عصفورين بحجر واحد .. نحرق قلب سميرة ونتخلص مؤقتا من لقمان ... ونبقا مع فادي اللي غايعطيني مفتاح انهيار سميرة للابد ..
عند ياقوت ..
معرفتش باش مشغول ليوما ليث ولكن اكيد بفادي انا متأكدة انه غايبغي يوصل ليه .. جا عندي وشدني من خصري وانا حطيت يدي على صدره
- حبيبي مالك ليوما ..
- حياتي انا غانغبر واحد ساعتين وغانرجع ليك
- واخا اعمري ..
باسني فجبهتي ومشا وانا بقيت نستناه .. فجأة سمعت صوت شوية دخلو عليا شي رجال .. بقيت كنحاول نقاومهم ولكن هبطوني وانا نلقا واخد الراجل كرشو كبيرة ..
- شنو بغيتي شكون نتا ..
- نتي اللش شكون .. فين هو ليث ؟
- خرج معرفتش فين مشا شنو يغيتو منو انا مرتو
-مرتو .. مزيان جيبوها .. الى بغا مرتو يجي ياخدها ..
- طلقو مني اش بغيتو شكون نتوما ..
تأليف دودي العيساتي وجوهرة مريم
0 Commentaires