الجزء 66
مشا امير ونسيبه لامريكا باش يتلاقاو ياقوت .. وعاودلو فالطريق كلشي .. وحتى علاقة ليث بيها وانه وباها فصغره وتزوجها ولكن سميرة فارقاتهم .. مللي مشاو يراقبو الفيلا لقاوها جالسة في الارض وكتبكي .. مشا امير وهي تشوفو قلبها انشرح
- 😭 ليث حياتي .. كنت عارفة انك غاترجع ليا وتعتقني ..
جرات عند امير وعنقاته .. اما هو بقا مصدوم منها ولكن دغيا فهم انها حسباته ليث نظرا للشبه الكبير بينهم ..
- ختي ياقوت .. انا ماشي ليث .. انا امير خوه التوأم ..
- كيفاش مفهمت والو ..
- جلسي انا غانعاودليك شي حاجة .. نتي طبعا معارفاش بزاف دالحوايج .. ومنهم ان سميرة مطلوبة دوليا للعدالة وهربانة ..
- تستاهل ..
- حنا عرفنا بزاف دالجرائم دارتهم ومنهم انها خطفاتك من والديك مللي كنتي صغيرة ..
- لا خطفاتني من ليث ..
- قبل متخطفك من ليث .. خطفاتك من والديك باش تنتقم منهم .، مدام ياقوت نتي عائلتك مازال عايشين وكيقلبو عليك ..
- 😱 عايشين .. شكون هما .. انا بغيت نعرفهم..
- باباك رجل اعمال معروف فالمغرب .. واش عندك رغبة تشوفيهم ..
- طبعا .. شكون يكره تكون عندو عائلة ..
طلبت من الاب يتقدم .. فما كان منه الا ان بكى وهو كيتأمل تفاصيل بنته اللي عاش كيقلب عليها .. كان لقاء درامي جدا بحيت حتى ياقوت بقات كتبكي بتأثر مللي شافت باباها وحيات طعم اللقاء وحلاوته ..
- بنتي نتي خاصك تجي معايا ..
- انا خايفة .. سميرة غاتقتل ليث الى حاولت نمشي من هنا
- متخافيش .. سميرة معندها مدير ليك او لليث ونتوما معايا .. اجي معايا ليث عندي فالمغرب ..
- وولدي حتى هو ؟؟
- اه .. وختك مهلية فيه ..
امير : قبل هادشي كله نتي اياقوت لابد تجيبيلنا الملفات من الفيلا ،. باش نتخلصو من سميرة الى الابد ..
- واخا ..انا ندير اي حاجة باش نتجمع مع ليث وولدي ..
- انشاء الله قريب .. مخاصناش نتعطلو ..
دخلت ياقوت للفيلا من جديد .. ولقات سميرة كتسناها ..
- بنتي .. تشطنت عليك بزاف ..
- انا قررت نبقى معاك هنا وننسى .. ونعيش كما كنت عايشة دراعك ليمن
- انا فرحانة بزاف حيت وجعتي لصوابك .. انا اللي دايمالك ابنتي .. شكون هاد ليث اللي يدخل بينا ..هاكا نبغيك .. نرجعو لخدمتنا ..
جات عنقاتني وانا محلفة فيها ..
بقيت عادية باش متعيقش بيا .. وفنفس الوقت بقيت نقلب على اي حاجة ممكن تكون دليل ادانة ليها .. واحد اليوم نضت فنص الليل ودخلت للبيرو ديالها اللي مكيدخلو غيرها .. وبقيت كنقلب فالظلام .. حتى تشعل عليا الضو .. تقلبت وانا مخلوعة لقيتها كتشوف فيا
- اش كاديري هنا ..
- والو ..
- كتقلبي على دليل ادانة ليا .. كون طلبتي مني كون عطيتك ..
جات عندي حلات واحد البلاكار وبدات تجبد منو الملفات ..
- هادا ضدي وهادا وهادا .. كلهم ضدي ..
بقيت ساكتة ومصدومة من داكشي اللي كاديرو هاد المرا ..
- انا حتى واحد مغايقدر يتخلص مني .. فهمتي .. انا مغانطيحش بسهولة على يدك نتي .. بدات تضحك .. خرجات وخلاتني مصدومة منها .. شوية شميت شي ريحة دوخاتني .. حتى مبقيتش كنشوف قدامي ومعقلتش على راسي تأليف دودي العيساتي وجوهرة مريم
0 Commentaires