الجزء46
سنان : باراكة عليك راك غاتخرج على راسك بهاد الشراب هي لوكانت كتبغيك مكانتش غاتمشي مع واحد اخور
ليث : سكووووت مبغيت نسمع والو .. سكوت .. انا السبب انا اللي ضيعتها من يدي .. كانت معايا وكانت فحضني ،. وبيديا هادو عطيتهالهم ... اكيد بززو عليها تمشي مع هاداك .. اجي شكوووون هاداك .. انا غادي نقاااتلو ..
سنان : شوف كيفاش حتى الهضرة مكتقدر تخرجها راك كترتي من الشراب غاتوقعليك شي حاجة ..
ليث : واش مااازااال غاتوقع... وقعااات صاافي .. صااافي انا ميت .. انا كنمووووت .. ياقوت علاش درتي فيا هاكا علاش .. بعدما كنت عايش على ذكرى زوينة ديالك .. كنت مزيان وانا كنتفكر طفولتك .. علاش رجعتي .. طعنتيني وذبحتيني علااااااش
سنان : انا ضروري نعيط للطبيب مستحيل نخليك هاكا ..
ليث : سميرة غانقتلها ... غانقتلها .. غاندخلها الحبس اش مازال كنستنى ليها .. هي السبب فكاع مصايبنا .. هي 😭😭😭
سنان : عفاك تهدن اصاحبي .. هي اكيد راها لاباس دابا ونتا شوف حالتك .. عيش حتى نتا حياتك ..
ليث : حياتي هي ياقوت .. هي ياقوت سمعتي .. انا غانلقاها .. وغادي نسولها واش نساتني .. مستحيل نتيق بهاد التصاور مستحيل
سنان : هي تزوجات وغاتولد من راجلها سمعتي
ليث : ياقوت مرتي انا سمعتي .. مرتي انا .. وحتى واحد مغاياخدها مني ..
عند ياقوت
كبرت كريشتي .. ولدي انا غانتهلا فيك ومغادي نخلي حتى شي حد يآذيك .. وغانبعدك على عالم المفيوزية ..
مازن : معامن كتهضري
ياقوت : مع ولدي ..
مازن : بدا يتحرك .. ممكن نقيص كرشك
ياقوت : اكيد ( كنت كنتمنى هادشي يديرو ليث )
مازن : ها هو تحرك .. هههه كيحمق
ياقوت : ههه شتي اليث شحال زوين
مازن : 😔 انا مازن ماشي ليث
ياقوت : 😳 سمحلي .. انا
مازن : اصلا ديما كتعيطيلي ليث .. ماشي مشكل ولفت
ناض من حدايا حسيت بيه .. صعيب تبغي شي حد وهو عقلو مع واحد اخور .. ولكن انا شكون يحس بالنار اللي فقلبي .. وانا بعيدة على ليث .. حتى انا شاعلة فقلبي العافية وانا متحملة نعيش مع راجل اخور من غير الراجل اللي فقلبي وعشت حياتي نستنا نشوفو .. سميرة الحساب تقال تيقي بيا غايجي النهار اللي غاناخد فيه حقي منك .. تأليف دودي العيساتي وجوهرة مريم
0 Commentaires