بارت 3
ملاك بين يدي .. قررت نسميها ياقوت ..حيت راها بين يديا بحال شي ياقوتة كتلمع .. بقيت مهلي فيا وهي متعلقة بيا بحال الدري الصغير مللي كيتعلق بأمه .. واخا شي حوايج مكنتش كنعرف ليهم الا ان العاطفة ديالي فاضت مع ياقوت .. كبرات قدام عينيا كتمشي معايا للخدمة وكتلعب قدامي . وكانت تجي تبكي مللي يقلقها شي حد ..كتبكي براءة وانا كنمسح دموعها كندوب فعينيها .. وهي كتعلق بيا ..هاد البنت اللي كبرات بين يديا .. مازال عاقل نهار جات عندي غضبانة وماباغاش تاكل ولا تهضر ...بقيت كنرغبها تهضر حيت ضرني قلبي عليها وضعيف اتجاهها ..ميمكنش نشوفها غضبانة .. عرفت انها بغات تشري شي كسوة عجباتها ..المعلم : الى عطيتلك الخلصة من دابا اش غانعطيك فاخر الشهر واشنو غاتاكل نتا وديك البنت اللي معاك
ليث: عفاك المعلم .. انا غانضبر ولكن ها العار عطيني دابا الخلصة ديالي
المعلم : ضبر راسك ..
خديت الفلوس من عند المعلم وشديتها من يدها وديتها للبوتيك الي شافت فيه الكسوة ..شريتهالها ونقزت عنقتني
ياقوت : كنبغيك اليث كنحماق عليك
بقيت مشوكي .. اول مرة كنسمع منها هاد الكلمة ..واش فعلا كتبغيني ولا غا قالتها حيت فرحانة بالكسوة ..بدات كتقيصها وفرحانة بيها وانا سارح فعينيها وصدى الكلمة ديال كنبغيك كتعاود فودني ..تما عرفت اني كنموت فهاد البنت ومنقدرش نعيش بلا بيها dodi elaissati و جوهرة مريم
0 Commentaires