الجزء الرابع
ديك الجملة اللي خلاتني نسكت
-فخباري باللي سي محمد اليوما عندو الخطبة ..
الخطبة.الخطبة..الخطبة 😪 كدوب كدوب خاصني نفيق من هاد الكابوس خاصني نفيق انا غي كنحلم انا غي كنحلم انا غي كنحلم عارفة راسي كنحلم خاصني نفيق خاصني نفيق محسيتش براسي حتى غوتت غوتة وحدة لقيت كلشي جرا عندي العيالات وماما وكلشي وانا نغيب عاودتاني مللي فقت لقيت راسي مغطية وحدايا مصحف والبيت خاوي عليا كنسمع حديث خارج البيت ديالي هاد المرة ماشي العيالات وانما ماما وبابا
-راه جاتنا الاستدعاء باش تمشي تتطلق البنت وماعندنا مانديرو المكتاب بيناتهم تسالى وهو عندو مبرر بنتنا مكتولدش معندنا منقولو للقاضي باينة غيعطيه الحق
-ومتفرطوش فالحقوق ديالها النفقة وكلشي
-متنسايش ان هادي راها ختي وماغنوقفش قدامها فالمحاكم على اخر الزمن بنتنا راها عندنا وحنا اللي غنصرفو عليها ماحدي عايش كيما صرفت عليها هادي 18 سنة سكتينا مبغيتكش تهضري على هاد الموضوع مرة اخرى
انا كنسمع وممتيقاش اني وليت سلعة لا مستحيل ..تفكرت الخطبة تسحبت بلا ميشوفني بابا وخرجت ماشافني حد مشيت كنجري وانا مرفوعة حاسة باللي حتى واحد ماكاين فالدنيا كنجري وكنقطع فالشانطي بلا مانشوف والطوموبيلات كيكلاكسونيو عليا وشي كيعاير واش مكتشوفيش قدامك العمية ..انا عميت فهاد الساعة ومكنشوف قدامي غير محمد وصلت لدارهم فعلا كان باين عندهم شي فرح وكاينين الناس دخلت وشفت اللي عمري تخيلت اني غنشوفو جالس هو كان جالس بارز مع شكون ..هادي كانت جارتي وشحال ضحكت معايا وشحال جات عندي كيفاش قدرات تدير هادشي وهي اللي طول الوقت كانت دايرة راسها صاحبتي غير شافتني زادت شدات فيد محمد وناشطة وضاحكة بحال اللي كتقول ليا هاهو راه ولا ديالي ..واش كاين بنادم بحال هكا تصدمت منها كيفاش يقدر الانسان يكون عندو جوج وجوه تلفت محمد شافني بحال الى شاف جن تصدم وولى احمر ناض وجا عندي جرني لبرا وانا مقدرتش نهضر تعامل معايا بواحد القسوة اول مرة كنشوفها فيه واش هادا محمد اللي كنعرف ولا غا شي واحد اخور مللي جرني قالي بواحد الحزم شنو جايا ديري هنا وانا فقمة الصدمة ..محمد .. اش هادشي واقع
-ياك هضرت مع باباك صافي امروى كلشي بيناتنا تسالا انا غنبني حياة جديدة
-محمد انا مامتيقاش واش نتا محمد فين هو الحب ديالنا اللي..
-مكاين حب فرقيني عليك خلاص انا ممستاعدش نعيش حياتي مع وحدة مكتولدش انا باغي نستقر ماباغيش نلعب ونبغي وداك الهضرة الخاوية
-هضرة خاوية، حبنا هضرة خاوية ..مستحيل نصدق هادشي اللي كنسمع محمد شوف فيا مزيان وفيق انا راه عمرك وحياتك نتا اللي كنتي كتقولي هاد الهضرة نسيتي كلشي ...
مازال مكملت الهضرة حتى كيجرني شي حد وكنسمع عمتي كتقول ديوها عند باباها هو يتفاهم معاها قبل مديرلينا شي فضيحة مع الناس هنا جاريني بحال شي بهيمة ولا شي وحدة معندها قيمة ..هو كيشوف فيا كنتجرجر وكنتهان قدامه من اللي يسوا واللي ميسواش ومتحرك فيه والو بحال الا تهنى مني
0 Commentaires