الجزء 13
حليت عيني لقيت ياسر عند راسي .. وكيدوز يدو على شعري.. حصلتك يا العفريت .. اش كادير..
خلعته وهو يحيدها ..
- والو.. قوليلي واش حماقيتي طلقتي لحبل .. راه الخيل نتي اللي كتحكمي فيه ماشي العكس..
- عفاك اياسر .. خلينا منه.. مبغيتش نموت بسبب شي عود.. ماشي مشكل الا متعلمتش الخيل..
- مم .. ماشي مشكل الخيل.. وماعليش الايتيكت ديال الماكلة.. وحتى القراية بلاش.. والموضة بلاش.. شنو رأيك نديك عندو بصيفتك طلابة حسن.. غاتعجبيه..
حسيت راسي بحال الا خشالي شي موس فقلبي.. واش كل مرة يفكرني باللي انا غي متسولة.. كل مرة يعايرني بها.. حتى هو قتال عمري مقلتهاله.. سكتت وحنيت راسي.. مهضرتش.. حتى هو سكت شوية.. وطلعلي راسي بيدو وقال:
- سمحيلي .. انا مقصدتش نجرحك.. حتى واحد مكيختار كيفاش يتزاد.. هاداك ماشي ذنبك.. ولكن عافاك عاونيني.. عفاك.. انا اللي كنطلبك.. انا مزاوك فيك..
- صافي صافي تعلمتي تطلب حتى نتا..
- ههه من عاشر قوما ثلاثة ايام.. ههه
داز داك النهار.. قررت فيها ندير عقلي.. تفكرت هضرة عدنان مللي قال باللي الفرصة كاتجي لبنادم مرة وحدة فحياته وخاصه يستغلها.. وباللي انا هادي هي الفرصة ديالي باش نتغير ونولي انسان ونعيش حتى انا فهاد الدنيا.. ماشي مهم معامن.. انا كنت فالزنقة عايشة مع ناس اكثر حقارة.. شنو فيها الى دخلت للمافيا.. ولا تعاونت مع قاتل مأجور.. شنو فيها كاع..بديت كنركز وياسر عجبو الحال مني.. درت مجهود كبير باش نتبدل وفعلا دازت ديك 15 يوم.. وليت وحدة اخرى.. ياسر قالي باللي كان متأكد مني ومغيندمش حيت اختارني انا.. حان الوقت باش تبدا الخطة.. هي ان ياسر يخبرهم عليا وباللي قلب عليا لقا اني ذكية وموثوق فيا.. دازت ثلاثة ايام كنستنى اشارة منه.. مشفتوش فيها.. اليوم الرابع جات عندي مريم قالتلي حان الوقت نمشي واني خاص نكون واثقة من نفسي حيت هاد الناس ما معاهم لعب.. دعات معايا بالتوفيق.. اول مرة كنعرف باللي هاد البنت عندها قلب.. مشيت للعنوان المعهود.. لقيت واحد القصر كبير وكله رجال لبسهم رسمي وكحل ولابسين نظاظر باينة عليهم البوديكارد.. المنظر كيخوف.. مشيت بخطى واثقة.. هضرت معاهم قلتلهم عندي موعد مع البوص.. غير قلتها وهما يلتفتو عندي كلهم.. بحال الى خلعتهم بديك الكلمة.. جا عندي واحد منهم قلبني بواحد الماكينة دوزها عليا كلها قالي دخلي.. تبعتو دخلت فداك القصر الواسع.. عمري فحياتي مشفت هادشي.. قلبي غيوقف.. وفكل بلاصة كان فيها رجال ضخام وشادين كلاب.. دوك الكلاب كيخوفو .. الى اطلقو عليا مشيت فيها.. ناري اش جابني لهنا صافي انا مشيت فيها.. انا ميتة لا محالة.. بقبت تابعة داك القلدة حتى وصلنا لواحد الطبلة كانت حدا لابيسين.. بانلي ياسر حسيت شوية تطلق عليا النفس.. كان واقف وواحد الشارف غليييض ناري على كرش قداش فاض على الكرسي اللي كان جالس عليه .. حسيت الكرسي كيطلب الشرع منه.. فيدو كانت كانيشة صغيرة كيلمس شعرها .. باينة من الشوفات ديالها مسمومة.. وعلى الطبلة كانت قرعة ديال الويسكي.. كانت عرفاتني بيهم مريم كلهم.. مللي وصلت خديت نفس عميق ووقفت عندو..
0 Commentaires