جزء49-*
-*عند ياقوت-*
-انا مع مازن حت سمعت سميتي ياقوووت بجهد هدا صوت حياتي ليت ضربت دورۃ شفتو بديت نشوف فيه وشوف فيا قلبي بدا يضرب بكل سرعۃ بغيت نمشي نجري نعنقو حت كنسمع عنداك تحاولي تمشي عندو تفو هادي سميرۃ دايرۃ مايك في دوك حلقات لدارت ليا هادي اكيد خطۃ منها .....بدات تقول جوديا بنتي انا بلعاني جبتو لهنا عرفتي علاش باش معمرو يبقا افكر فيك ...انا غير ساكتۃ ومصمرا في بلاصتي بدا كيقرب ليت حت وصل عندي شادۃ راسي بزز باش منترما في حظنو شفت في عينيه عامرين حزن وندم .بغا اعنقي دفعتو
ليت: سمحليۃ عفاك مكنت عارف ولكن علاش مقلتيهاش ليا من اول علاش ..
ياقوت:اش غادي نقوليك شكون نت بعدا ...
ليت:ياقوت واش متحوشتنيش احياتي انا ليت ليت اياقوت لرباك وبغاك كتر من حياتو من سمع بلي متي كنت غادي نتسطا فكرت نتاقم من يلي كان سباب فراقنا لهي ديك لفعۃ سميرۃ وانا عارف بلي نت مبزين عليك
ياقوت:سمع نقوليك نسا بلي شي نهار عرفتي شي بنت وعتبرني مزال ميتا ...
ليت:مستحيل نت راك حياتي روحي باش عايش انا واش كتفهمي ولا لا ياقوت اري يديك متخفيش من تواحد انا معاك ..
ياقوت:جمع يديك لقادمك راه مرات راجل .
ليت:نت مراتي انا واش نسيتي وهاد زواج لبينك وبين هاد شخص باطل ..
ياقوت:هاد راجلي فهمتي ونت كنت وبراصك وقعتي علا وراق طلاق لهدا انا محرما عليك
ليت:اش كتخربقي انا عمرني طلقتك ولا نفكر نديرها ..
ياقوت:نت درتيها وجرحتيني ومشيتي وخلتيني مع دوك وحوش ونت ناعس مرتاح وفرحان مع ديك بنت لكانت معاك تعرف باش حسيت بحرقۃ في قلبي وحت شمتۃ وندمنت حبت تزوجت راجل بحالك سمعني نقوليك انا دابۃ مزوجۃ وفرحانۃ مع راجلي كيف كتسوف وانا حاملۃ منو دابۃ وقريب نرزقو بولد .
ليت:لا هادي ماشي ياقوت لكتهضر دابۃ ياك ..
ياقوت:لا ياقوت بشحمها ولحمها اه نسيت مبقات اسمي ياقوت بل جوديا اسم قديم من ماضي عيشۃ ديال تشرد كانت اكفس عيشۃ معاك لبغيتها مكنت نحصل عليها ولكن مع ماما سميرۃ كلشي توفر ليا فهمتي ..
ليت:كيفاش واش نستي كيفاش كنت نخدم ليل ونهار باش نجيب ليك لحاجۃ لبغتيها واش نسيتي نهار عجابتك ديك كسوۃ حمراء تقطعت وشريتها ليك واش نهار كنت باغۃ توشمي وعربون هاهو مزال في دراعك هاد كلام ماشي ديالك ياك..
ياقوت:سمع نقوليك خير كلام ماقل ودل رجع منين جيتي احسن ليك قبل منتعصب ونصيفط نعيط رجالي اصفيوها ليك ...
ليت:نت خاصك ترجعي معايا
ياقوت:شدني من يدي وزير عليا صرفقو بكل قوۃ ....كيفاش تجراءتي تحط يديك عليا (تمنيت يدي تقطع قبل منحطها عليه)
#يتبع
جوهرۃ مريم-دودي العيساتي
0 Commentaires