بارت 9
حياتي سالات من هاد اليوم ..علاش غا نعيش
كيفاش غا نعيش .. اللي عشت حياتي ليها .. مشات .. فجأة مر شريط حياتي قدام عيني
..مللي لقيتها اول مرة ..وهي فأحضاني ..وهي كتبكي وهيس متعلقة بيا .. كلشي مشا
فلحظة .. انا غادي ننتقم ليها من اللي كان السبب .. سميرة نتي اللولة ..نوبتك جاية
كنواعدك غادي ننتقم منك .. زيرت سناني وزيرت على يدي ..انا مغانبقاش فهاد التشرد
من اليوم غادي نولي واحد اخور .. حياتي مكتهمش مادام ياقوت مشات ..
سنان : خويا ليث .. شنو غادير
ليث : انا معاك .. وبين يديك .. اصلا مابقاش
شي حاجة اللي نعيش على قبلها .. كلشي مشا
سنان : اول حاجة خاص نضبر ليك هوية مزورة
اللي تعيش بيها
ليث : مزيان وانا بين يديك ..وتحت امرك
سنان : معمرك غاتندم اخويا .. كنواعدك ..
عند ياقوت :
سميرة : جوديا حبيبة ..
ياقوت : انا ماسميتيش جوديا .. انا ياقوت
سميرة : الحياة ديال الشمكارة نسايها .. من
اليوم نتي بنتي وسميتك جوديا ... حنا غانسافرو لامريكا نعيشو تما .. مغانبقاوش هنا
..وجدي راسك للحياة الجديدة ديالك ...
سافرت ياقوت مع سميرة واختفاو من داك الوقت
عند ليث
تدربت وتبدلت على يد شي ناس عمري شفتهم
..وراوني كيفاش نستعمل الاسلحة ..ودارولي اختبارات باش يعرفو قدر الوفاء ديالي
وانا نجحت فجميع الاختبارات كانو كايلاحظو عليا الوفاء والذكاء ديالي .. دغيا
كنتعلم ..دوزت اوقات صعيبة وصورة ياقوت مكتحيدش من بالي .. صورتها وهي ميتة ..
مستحيل نعرف شي وحدة من غيرها فيوم من الايام ..واليوم يعد 15 سنة .. انا ليث اللي
وليت اخطر رجل من المافيا .. درت بلاصتي رغم شبابي .. ورغم صغر سني ..قدرت نولي
البيغ بوص .. قدرت ناخد بلاصة سنان ونسبقو بذكائي .. وبعدو خديت بلاصة البيغ بوص
اللي مات بعد ما تقدم فالعمر ..انا ليوما
بحيلتي وذكائي .. قدرت نوصل لحوايج عمري كنت كنفكر اني نوصلهم فيوم من الايام ..
الا انها كتبقى كلها ناقصة وما عندها مذاق .. مادام ياقوت مكايناش معايا ..مع اني
تعرفت على بزاف ديال النساء فحياتي .. الا ان علاقتي بيهم مكاتجاوزش ليلة ..منسيتش
انتقامي .. بقيت كنقلب ومازال غانقلب على السيدة اللي كانت سبب ففراقي على حب
حياتي .. غانلقاها .. قريب .. حيت عرفت انها حتى هي خدامة مع المافيا .. مافيا
التجارة فالاعضاء البشرية ..هادا خيط ليها .. قريب غانتخلص منها وغاندمها على
اليوم اللي فكرات فيه انها تقرب من هاد المتشرد ...تأليف دودي العيساتي وجوهرة
مريم
0 Commentaires